《活出全新的自己》與《遇見未知的自己》的讀后感

時間：2021-06-25 17:14:46 讀后感我要投稿

　　睇完哩兩本書，然后根據自己既情況，我諗左好多。我忽然覺得好迷茫，我好似入左一個迷宮一樣，我唔知道自己想點，唔知道點行出黎。我有時候好似好開心，無煩惱一般，有時候睇到一D電視劇或者電影既時候，卻會變得好低落，好容易流眼淚。一時好堅強，一時好脆弱；一時好清晰知道諗咩，一時模糊不清；一時清醒，一時沉迷。

《活出全新的自己》與《遇見未知的`自己》的讀后感

　　點解會系咁?工作，我未上班之前，總系會同自己講，我今日要努力完成我自己既工作，可惜到左辦公室卻唔知道由邊度做起，做下做下甚至會想掉低手頭既工作，想行出外邊透下氣。我點解會變到咁無沖勁?我以前唔系咁噶，我以前好鐘意上班，好享受我份工作。點解依家會系咁既狀態?

　　愛情，好似成為我一種嚴重既心病，我好清楚我鐘意拒，身邊既人一直問我鐘意拒咩?我答唔出，我亦搞唔清點解我會放唔低拒，我明知道好多嘢都無可能令我可以同拒一齊。對拒，我已經分唔清系一種咩感覺，拒好似成為我左我生活上既一部分，無左拒，我覺得生活變得有D怪，不過有時候我又會覺得其實有無拒，我生活咪一樣無變過，。好矛盾既感覺，有時候偏偏會自己唔準穩拒啦！要杜絕曬拒既一切，但系唔過幾日又會忍唔住穩拒。哩種感受，我好想去改變，有無人可以教我點做啊?

　　我仲記得拒同我分手既果日，我響部公交車度聽住拒響電話同我講："你唔信我，咁你同我一齊都無意思啦！"幾簡單既一句說話，就可以講一切都改變，我響文化公園落左車，行過人民橋，行過江邊，望住條珠江，我忽然覺得條珠江好深好深，D風吹落我身度，我覺得好重好重，壓到我個心完全透唔到氣。直到今日我寫哩篇讀后感，我諗翻起我都系流眼淚。

　　睇曬哩兩本書，我知道寬恕系一種解脫，有時候當身邊既人問起拒，拒就好似我心里面既一個缺口，我經常同自己講，無打開果道門，等拒做我永遠既秘密，仲記得拒離開我果陣，我有幾次上班既時候，我過馬路果陣，D車經過我身邊，我有一瞬間我真系好想等部車撞過黎，我就可以咩都唔使諗，或者撞到我失憶，忘記拒同我之間既一切。

　　以前我以為自己好堅強，咩都可以解決到，唔需要依靠任何人，但系今次我輸左，輸左俾拒啦！我無諗過拒離開我，我會咁生不如人，琴晚我又俾我老豆鬧啦！我唔想去相信拒系我老豆口中所講既果種人，但系連我自己手上都無任何籌碼去同我老豆抗爭，我只可以等時間慢慢淡忘一切，等傷口慢慢埋口，可能拒從來都無覺得我有幾愛拒，可能拒從來都無真心鐘意過我，可能。好多可能，今年年初一我拜神，我同神仙講："麻煩你保佑我用一年時間重新振作，重新生活，忘記過去。"

　　最后我要同拒講："李英杰，我唔想去相信你系我老豆所講既果種人，但系我仍然要感激你教我既一切，或者你系上天俾我既磨練，等我渡過左，或者我可以更加成熟，更加識珍惜我身邊擁有既一切，更加明白我所得到既嘢唔系理所當然，系需要去經營，去關心。我亦已經盡曬我既一切能力愛過你，雖則唔可以講做得好好，只求無愧于心。"

【《活出全新的自己》與《遇見未知的自己》的讀后感】相關文章：