東部華僑城導游詞范文

　　大家早晨啊，琴晚訓得好唔好啊？系度先代表南海中旅向大家表示衷心的感謝先，因為甘早就要起床等車啦，睇下，有好多人都系度打瞌睡啦？甘先自我介紹一下先啦，小女名叫周韻宜，大家可以叫我阿宜，或者親切小小叫我宜宜，但千奇唔好讀歪音讀成“姨姨”喔~跟住呢，我就要介紹下我地最勞苦功高嘅司機唐師傅啦，今日，我地嘅唐師傅將會帶大家一路通往開心又愉快嘅旅程。

　　好啦，廢話少講，大家報左“東部華僑城”呢個團啦，但又對呢個地方了解多少呢？相信大多數游客都系第一次去華僑城噶播，系咪對距有好沒美好，好新鮮嘅憧憬呢？其實呢，我相信，經過呢兩日東部華僑城之旅，大家肯定有好大嘅感觸嘅，因為東部華僑城又被叫做“都市人的生態樂園”，主要分為兩大模塊：大峽谷同茶溪谷。大峽谷主要系機動游玩娛樂設施為主，而我地今日嘅重點茶溪谷呢，主要體驗嘅系中西文化嘅交融系呢個行程當中我地可以一邊飲下茶，嘆下茶點，一邊欣賞傳說中嘅茶戲啦，學到好多鑒別茶種同優劣嘅方法啦，觀賞到廣東最大嘅人工濕地啦，睇下d太空瓜果啦，200幾種嘅蝴蝶啦，仲有好多好多以前好少見，好多都靜系電視上面見到嘅植物，甚至可以喂下鯉魚甘啦，等等等等。可以話，系呢連給嘅行程里面，我地將會同大自然有一個親密嘅接觸，各種生態環境同理念都會帶比我地城市人一個獨特嘅體驗。

　　甘可能好多團友會比較關心今日開具體行程安排，甘系呢度我就簡單介紹下等大家可以預熱一下，興奮翻一陣先啦：呢家系7點半啦，我地去到深圳大概要2個鐘左右嘅車程，甘喈系話，系9點左右我地就會去到深圳嘅大梅沙東部華僑城噶啦，甘我地會直接系大峽谷落車啦，然后我會帶大家去目前中國最大嘅，跨度最長嘅人工瀑布——就系呢個大峽谷瀑布啦。然后我地沿迂回小路，行上大峽谷嘅云中部落。當然，有d朋友亦可以坐纜車直接上去，費用系自理噶。甘我地要去云中部落做咩呢？大家知5知啊？系啦，有d朋友仔已經估到啦，因為云中部落系成個華僑城嘅最高點，我地到云中部落嘅觀景臺俯瞰一下深圳大梅沙嘅全景噶喔。所以有畏高癥嘅朋友就唔好上去啦~甘有d朋友覺得甘樣好難睇到個景色啊，甘都唔怕噶喔，因為稍后我地仲會乘坐云中部落自然之眼觀光塔，保證令大梅沙全景盡收你嘅眼底噶喔。然之后，我地會又行到來到茶溪谷，系呢度我地會有1個鐘嘅時間，比甘多位朋友仔游覽最令大家大開眼界嘅濕地公園，之后各位就跟住阿宜我去到茵特拉根小鎮睇下d鬼佬表演噶喔。甘睇左成朝，又行左成朝啦，大家都肚仔餓啦，甘午餐我地系唔包噶喔，甘大家可以系沿途嘅餐廳用膳，之后大家嘅一個下午都會系茶溪谷嘅茶翁古鎮里面自由甘度過噶喔。大家可以睇茶戲，嘆茶，食茶點啦，若果各位朋友仔見到甘靚嘅自然風光，都可以同埋自己嘅另一半，或者老豆媽子公公婆婆一齊系三洲茶園散下步，吹下水噶喔~甘如果大家當中會有人提前游玩個茶翁古鎮，又腳仔攰啦唔想去散步，之又覺得無聊嘅話，可以自費坐森林小火車去大峽谷露天劇場睇下露天多媒體表演。甘我地會系5點半系大峽谷門口集中，亦既系我地落車嘅同一個地方。甘樣愉快嘅旅程就結束啦。

　　我一輪嘴甘講左甘多，唔知道大家對呢個即將到來嘅行程有冇一種好期待嘅感覺呢？我見依家大家精神都甘亢奮，不如就同大家玩一個游戲啦！輸左個個要大懲罰噶喔！~（大包團的.話就玩游戲，游戲包括“開口中”“估歌仔”“詞語接龍”“避開數字”散客的話就講一下話題，例如，深圳華僑城概況，佛山到深圳的交通改善）

　　Over，over，我以下落離要講嘅野會好重要噶，關系到大家可唔可以玩得盡興，盡量避開麻煩同唔高興嘅野噶喔。所以，訓覺嘅朋友仔啊，醒下啦，同埋坐系后面嘅朋友仔啊，請豎起曬兩只耳仔聽清楚啦：琴晚我都發左信息比大家，提醒大家今日嘅行程比較多路程要走，最好著休閑鞋，但可能好多女士都系“要靚5要命”噶喔~我見到今日有幾位女士都著左高爭鞋過來，甘如果有帶拖鞋涼鞋過來嘅就臨落車前換定距先啦，甘冇帶嘅，系你行到攰嘅時

　　候都可以留意下沿路嘅攤當，買翻對特色拖鞋繼續走咯？仲有啊，各位要靚靚嘅女士們注意啦，要記得搽厚厚嘅防曬用品，或者戴好帽，因為而家仲夏嘅太陽，實在太熱情啦~好重要嘅系，大家落車個陣除左帶好貴重物品之外，仲要拿埋礦泉水落離喔，系猛陽當下，梗系要及時補充水分啦，大家都唔想翻到來變成一條干尸噶系咪？另外呢，我地去到一個甘生態，甘環保嘅旅游區，好應該自覺甘處理好自己產生嘅垃圾，愛護衛生，唔好亂丟垃圾，呢個阿宜請求大家無論系車上或者系旅游區里面都要遵守好！~仲有一個好基本嘅就系，請各位大朋友一定要照顧好自己嘅細蚊仔喔，千奇唔好比距亂跑亂走啊，唔系稍冇留意走散左甘要搵翻距出來真系幾麻煩噶~而且而家暑假，某d娛樂項目可能會需要排隊，而且排隊人數會較多，請大家適當靈活甘安排自己嘅行程同埋路線，某d娛樂設施例如山地單車，濕地游艇，旋轉花車，升空氫氣球，水上高爾夫，電瓶車，老爺車，大峽谷劇場等等都系自費游玩嘅，甘具體嘅費用以景區當日通告為準嘅。需要說明清楚嘅系，我地呢個團票只含有入場門票同來回車費，區內一切消費，包括午餐亦都不含其中噶。甘大家系沿路嘅小攤度睇中d靚嘅小精品可以買翻屋企，但請瞪大只眼，亦都要管好自己只手，唔想買嘅話唔好亂摸或者亂指，預防有強逼性購買嘅情況發生。最后一點需要重新講明，大家都要注意啦，我地嘅集中時間系5點半，集中地點系我地落車嘅地點，請大家都要守時系指定地點集合，令其他朋友仔都可以高高興興游玩去，準準時時回家去，而且我地唔會等好耐噶，你遲大到的話我地會發車走人噶啦，要你自己夜猛猛自己打車翻屋企噶啦，所以，請大家系差唔多夠鐘嘅時候就好準備過來集合地點啦。最最最后，請大家拿出手機，記一記我嘅電話號碼，13xxx，再講一次，系13xxx，而且認住我地坐緊部車系白色X888。到時我就會企系車邊等大家翻來噶啦~

　　甘大家如果有咩問題嘅可以慢慢走過來上面同我查詢，但要主要扶穩，唔好跌親喔。但下面我放下歌仔比大家聽下啦~

【東部華僑城導游詞】相關文章：

東部華僑城的導游詞范文02-21

東部華僑城的作文范文09-09

游東部華僑城作文03-22

東部華僑城之旅作文04-02

游東部華僑城范文08-07

深圳東部華僑城作文07-07

作文深圳東部華僑城07-22

游東部華僑城作文05-04

東部華僑城游作文06-18